Microsoft компаниясы инклюзивті қоғам құруға көмектесетін жаңа қолжетімді технология туралы жариялады
24 наурыз, Алматы – Өткен аптада 13-ші Microsoft Ability Summit өтті, шарада мүмкіндігі шектеулі адамдар мен қолжетімді технологиялардың дамуын қолдайтын белсенділер бірігіп, ең соңғы жаңалықтарды талқылады. Жыл сайынғы іс-шара мүмкіндігі шектеулі жандардың әлеуетін арттыруға және инклюзивті қоғам құруға бағытталған.
Қолжетімділік — адамның негізгі құқықтарының бірі. Дүниежүзілік денсаулық сақтау ұйымының мәліметі бойынша, әлемде миллиардтан астам адам мүгедектіктің қандай да бір түрімен өмір сүреді. Дегенмен, мүгедектіктің қандай да бір түрі бар 10 адамның тек 1-і ғана қажетті қосымша технологияларға қол жеткізе алады, яғни көпшілігі экономика мен қоғам өміріне толық қатыса алмайды. Microsoft компаниясы мүмкіндігі шектеулі жандарға толық әлеуетіне жетуге көмектесетін өнімдерді жасауға көп көңіл бөледі. 13-ші Microsoft Ability Summit-те Microsoft адамдардың армандары мен мақсаттарын жүзеге асыруға көмектесетін әртүрлі өнімдерді ұсынды.
Іс-шарада Microsoft көшбасшылары — директорлар кеңесінің төрағасы және бас атқарушы директор Сатя Наделла және қолжетімді технологиялар жөніндегі бас директор Дженни Лей-Флурри қолжетімді технологиялардың 70 жақтаушысымен бірге өз пікірлерімен және жоспарларымен бөлісті, сонымен бірге 137 елден 20 000-нан астам қатысушы болашақ инклюзивті қоғамға келесі қадамдарды жасауда.
Microsoft компаниясында қолжетімділік ұғымы бағдарламалық қамтамасыз етуден бастап жасанды интеллект сияқты жабдықтар мен қызметтерге дейін өнімдердің барлығын қамтиды және біздің корпоративтік мәдениетіміздің бөлігі болып табылады. Биыл Microsoft бірқатар жаңа және перспективалы қолжетімді технологияларды ұсынды, мәселен:
- Жаңа бейімді аксессуарлар: осы жылы Microsoft Business Pen және Microsoft Classroom Pen 2 үшін 3D басып шығаруға арналған бейімді құралдар Surface Pen үшін де қолжетімді болады. 3D тұтқалар Shapeways арқылы басып шығарылады және мүмкіндігі шектеулі пайдаланушыларға тұтқаларды пайдаланудың жаңа әдістерін, сондай-ақ Surface құрылғыларында олардың шығармашылығы мен өнімділігін қолдауды ұсынады.
- M365-тағы ‘Accessibility Assistant’: орфография мен грамматиканы тексеруде өте тиімді, компания жариялаған жаңа Microsoft 365 «Accessibility Assistant» өнімі қолжетімді контент жасауға көмектеседі. Бұл көмекшілер ең тиімді баптауды, нақты уақыттағы түзетулерді және қолжетімділікке қатысты проблемаларды жою бойынша нұсқауларды ұсынады. Visual Studio-ға қолжетімділікті тексеру құралын қосу арқылы инклюзивті контент жасау креаторлар мен әзірлеушілер үшін одан да қолжетімді болды.
- Microsoft Translator: Microsoft Translator Йоруба, Хауса және Игбо халықтарының тілдерін қоса алғанда, 13 жаңа африкалық тілді қосты. Енді Microsoft Translator 125 тілде сөйлеуді мәтінге түрлендіру функциясын қолдайды және пайдаланушыларға нақты уақыт режимінде түрлі тілде сөйлесуге, мәзірлер мен көше белгілерін, веб-сайттарды, құжаттарды және т.б. аударуға мүмкіндік береді, бұл технологияны бүкіл әлем бойынша саңырау немесе нашар еститін адамдарға қолжетімді етеді.
- Cognition Guidebook үшін жаңа инклюзивті дизайн: Әр түрлі танымдық қабілеті бар адамдарға өнімдер жасауға көмектесетін жаңа Inclusive Design for Cognition Guidebook іске қосылды.
- Azure-дағы жаңалықтар: Azure платформасын пайдаланудағы екі функция түзелді:
- Seeing AI: Microsoft Seeing AI қосымшасы Azure және жасанды интеллект көмегімен соқыр және нашар көретін адамдарға қоршаған әлемде бейімделуге көмектеседі. Біз жаңа Seeing AI және Haleon коллаборациясын іске қостық және Seeing AI кодының кітапханасына 1500-ден астам өнім қосылды. Сонымен қатар, Seeing AI соқыр немесе нашар көретін адамдарға кеңістік дыбыс сигналдары арқылы ғимарат бойынша өздігінен қозғалуға мүмкіндік беретін жаңа Indoor Navigation функциясын ұсынды.
- LinkedIn: Бүгінгі таңда LinkedIn жарияланымдарының 40%-дан астамында кем дегенде бір сурет бар. LinkedIn платформасы Azure Cognitive Services тиімді қолдана отырып, жарияланымға балама мәтіні бар автоматты сипаттаманы және субтитрлерді қосады.
- Windows 11: Жақында компания Windows 11-де орнатылған экранды оқу құралы — Narrator жаңалықтарымен бөлісті, бұл Брайль дисплейінің, соның ішінде үш жаңа дисплей Surface от HumanWare қолдауға мүмкіндік береді. Narrator енді қолжетімді аксессуарлармен кедергісіз жұмыс жасай алады және дауыстық қолжетімділік функциясы Windows 11 жүйесіндегі Microsoft қосымшалары арқылы дауыстық навигацияға қол жеткізуге мүмкіндік береді.
Жасанды интеллектіні жауапкершілікпен пайдалану
Майкрософт жасанды интеллектіні жауапкершілікпен пайдалануға баса назар аударады, әзірлеменің негізгі қағидаттары мүмкіндігі шектеулі жандар үшін инклюзивтілік пен қолжетімділікке, яғни өнімдерді қолжетімді жасауға, мүгедектік туралы репрезентативті деректерді қосу және инновацияларды енгізуге бағытталған. Бұл қағидаттар мен жасанды интеллектіні жауапкершілікпен пайдалану қолжетімділікті арттыру мақсатында бірге әрекет етеді.
Бұл процесте репрезентативті деректердің ұлғаюы өте маңызды. Өткен жылы Microsoft компаниясы Иллинойс университетімен, Amazon, Apple, Google, Meta және Microsoft компанияларымен салааралық серіктестік болып табылатын Speech Accessibility Project жобасын жариялады, оның мақсаты әртүрлі сөйлеу деректерін жасау болып табылады, бұл дауысты тану технологиясын мүмкіндігі шектеулі адамдар үшін қолжетімді және тиімдірек етуге көмектеседі.
Ability Summit шарасында жасанды интеллектке негізделген жаңа Microsoft Bing мүмкіндіктері ұсынылды. Қолжетімді сапарды жоспарлаудан бастап, қолжетімді кодты жазуды жеңілдетуге дейін — жасанды интеллект ұсынатын мүмкіндіктерді енді ғана қолдана бастадық және біз осы жолда алға жылжып, үйренудеміз.
Бұл — бірге жұмыс істеу арқылы қолжетімді технологияларды пайдалануды арттырып, мүмкіндіктері шектеулі жандардың біліктілігін арттыру және жалдау мүмкіндіктерін кеңейте алатынымыздың, сондай-ақ әркімнің негізгі құқығы ретінде қолжетімділікті насихаттайтын саясатты қорғай алатынымыздың белгісі.
Толық ақпарат келесі сілтемелер бойынша қолжетімді:
Ability Summit | Home (microsoft.com)
Accessibility as a priority and responsibility — CEE Multi-Country News Center (microsoft.com)
Accessibility Technology & Tools | Microsoft Accessibility